Mingəçevirdə qəza – Xəsarət alan var

Mingəçevir şəhərində xəsarətlə nəticələnən yol-nəqliyyat hadisəsi baş verib.

Konkretfakt.info “Qafqazinfo”nun əldə etdiyi məlumata əsasən xəbər verir ki, hadisə M.Maqomayev prospekti ilə Heydər Əliyev prospektinin kəsişməsində qeydə alınıb.

İlkin məlumata əsasən, “VAZ-21099” və “Lexus” markalı avtomobillər toqquşub.

Toqquşma nəticəsində “VAZ-21099”da olan Pərviz Nəbiyev xəsarət alıb.

Yaralı təcili tibbi yardım vasitəsilə xəstəxanaya çatdırılıb.

Faktla bağlı araşdırma başlanıb.