Ronaldu və Corcinanın nikah müqaviləsi – DETALLAR

Futbol üzrə Portuqaliya millisinin və “Ən-Nəsr” klubunun hücumçusu Kriştianu Ronaldu Corcina Rodriqeslə rəsmi nikaha daxil olub.

Konkretfakt.info Oxu.Az-a istinadən xəbər verir ki, cütlük toy mərasimindən bir gün əvvəl nikah müqaviləsi imzalayıb.

Müqaviləyə əsasən, tərəflər nikahdan əvvəl sahib olduğu əmlakı özündə saxlayır. Toydan sonra alınan əmlak kimin adına rəsmiləşdirilibsə, ona məxsus olacaq. Birgə alınan əmlak isə hər iki tərəfə aid ediləcək.

Nikah şəhadətnaməsində ailənin Səudiyyə Ərəbistanının Ər-Riyad şəhərində daimi yaşadığı qeyd olunub. Onlar nikahdan sonra soyadlarını dəyişməyiblər.