Psixoterapevt: Xorultu münasibətlərə mənfi təsir edir

Xorultu cütlüklərdə xroniki stresə və münasibətlərdə problemlərə səbəb ola bilər.

Konkretfakt.info xəbər verir ki, psixoterapevt İrina Kraşkina Lenta.ru-ya açıqlamasında belə deyib.

O, problemin əsas səbəbinin xorultunun səsi deyil, partnyorun mütəmadi olaraq yuxusuz qalması olduğunu bildirib.

Onun sözlərinə görə, tez-tez oyanmaq insanın əsəbiliyini artırır, əhval-ruhiyyəsinə və dözümünə mənfi təsir göstərir. Nəticədə adi məişət mübahisələri belə daha ciddi qəbul olunur.

Mütəxəssis qeyd edib ki, problemin həlli üçün tərəflərin birlikdə çıxış yolu axtarması vacibdir.