Fransada etirazlar futbola da təsirini göstərdi: Matç təxirə salındı

Fransa Liqa 1-in VIII turu çərçivəsində keçirilməsi planlaşdırılan “Tuluza” – “Trua” matçının vaxtı dəyişdirilib.

Konkretfakt.info xəbər verir ki, bu barədə Fransa Peşəkar Futbol Liqasının (LFP) rəsmi saytı məlumat yayıb.

Oktyabrın 24-nə təyin olunan qarşılaşma bir gün sonraya – oktyabrın 25-nə keçirilib. Görüş Bakı vaxtı ilə saat 20:15-də başlayacaq.

Qərar həftəsonu Tuluza şəhərində keçirilməsi planlaşdırılan etiraz aksiyaları ilə əlaqədar qəbul edilib.