Beynəlxalq tədbirə hazırlıq çərçivəsində Bakıda nəqliyyat vasitələrinin hərəkəti üzrə təlim keçiriləcək.
Konkretfakt.info xəbər verir ki, bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb.
Bildirilib ki, oktyabrın 15-dən etibarən Bakıda keçiriləcək beynəlxalq tədbirə hazırlıq məqsədilə nəqliyyat axınının təhlükəsiz və səmərəli idarə olunmasını təmin etmək üçün nəqliyyat vasitələrinin hərəkəti üzrə təlim təşkil ediləcək.
Qeyd olunub ki, təlim çərçivəsində oktyabrın 11-də saat 08:00-dan 13:00-dək paytaxtın bir sıra küçə və prospektlərində nəqliyyatın hərəkəti müvəqqəti tənzimlənəcək.
Təlim aşağıdakı küçə və prospektləri əhatə edəcək:
– Mehdi Hüseyn küçəsi;
– İstiqlaliyyət küçəsi;
– Neftçilər prospekti;
– Zərifə Əliyeva küçəsi;
– Üzeyir Hacıbəyli küçəsi;
– İzzəddin Həsənoğlu küçəsi;
– Yusif Səfərov küçəsi;
– Heydər Əliyev prospekti;
– Gülarə Qədirbəyova küçəsi;
– Niyazi küçəsi.
DİN sürücülərdən və digər yol hərəkəti iştirakçılarından həmin tarixdə səfərlərini əvvəlcədən planlaşdırmağı, mümkün nəqliyyat sıxlığını nəzərə almağı və alternativ yollardan istifadə etməyi xahiş edib.
Digər Yazılar
Pensiyaçılara üç aydan bir əlavə 30 manat ödəniləcək?
ABŞ-də 90 ildən sonra ilk dəfə açıq edam keçirilə bilər
No Comment! Be the first one.