Azərbaycan təhsil tarixində yeni rekord qeydə alınıb

Azərbaycan təhsil tarixində yeni rekord qeydə alınıb.

Konkretfakt.info xəbər verir ki, bu barədə “Azərbaycan Universitetləri” adlı “Facebook” səhifəsində məlumat paylaşılıb.

Qeyd olunub ki, ADA Universitetinin Kompüter elmləri ixtisasında keçid balı 697 olub.

Məlumata görə, buna Respublika Fənn Olimpiadalarının (RFO) qaliblərinin həmin ixtisasa tam yerləşdirilməsi səbəb olub. İxtisas üzrə bir yer boş qalıb və həmin yerə 697 balla qəbul həyata keçirilib.

Nəticədə 697 bal həmin ixtisas üzrə keçid balına çevrilib və Azərbaycan təhsil tarixində yeni rekord qeydə alınıb.