Mayk Tayson Türkiyə serialında rol alacaq

Əfsanəvi amerikalı boksçu Mayk Tayson Türkiyədə yayımlanan “Tuzlu kahve” serialına qonaq olaraq qatılacaq.

Konkretfakt.info xəbər verir ki, bu barədə jurnalist Birsen Altuntaş məlumat yayıb.

Onun sözlərinə görə, gözlənilməz addımları ilə hər kəsi təəccübləndirən serialın prodüseri Polat Yağcı Mayk Taysonu Türkiyəyə dəvət edib.

Belə ki, Tayson serialda Buğra Gülsoyun canlandırdığı Mehmetin Amerikadan gələn dostu obrazına həyat verəcək.

Qeyd edək ki, layihədə Nebahat Çevre, Binnur Kaya, Settar Tanrıöğen, Hatice Aslan, Şevval Sam, Eda Ece, Enis Arıkan, Yasemin Ergene, Sarp Apark, Ceren Moray kimi məşhur simalar yer alıb.