İmişlidə piyadanın ölümü ilə nəticələnən qəza baş verib

İmişli rayonunda piyadanın ölümü ilə nəticələnən yol-nəqliyyat hadisəsi baş verib.

Konkretfakt.info “Report”un Muğan bürosunun məlumatına istinadən xəbər verir ki, hadisə rayonun Qaralar kəndi ərazisində qeydə alınıb.

Belə ki, Mürşüd Babaşov idarə etdiyi “Mercedes” markalı minik avtomobili ilə piyada Kamilə Qurbanovanı vurub. Avtomobil daha sonra işıq dirəyinə çırpılıb.

Qəza nəticəsində yaralanan piyada ölüb.

Faktla bağlı araşdırma aparılır.