İtaliyada 2026-cı ildə Qərbi Nil virusuna 650-dən çox yoluxma qeydə alınıb. Bu, Avropada qeydə alınan bütün yoluxmaların təxminən yarısını təşkil edir.
Konkretfakt.info “Associated Press”ə istinadən xəbər verir ki, mütəxəssislər virusun yayılma ərazisinin genişlənməsini və yoluxma mövsümünün uzanmasını temperaturun yüksəlməsi ilə əlaqələndirirlər.
İtaliya səhiyyə orqanlarının məlumatına görə, virus əvvəllər yoluxmaların demək olar ki, qeydə alınmadığı bölgələrdə də aşkarlanır. Yoluxanların təxminən 80 faizində heç bir simptom müşahidə edilmir. Lakin xəstəlik bəzi hallarda ağır nevroloji fəsadlar yarada bilər.
Mütəxəssislər isti havanın virusu daşıyan ağcaqanadların çoxalması üçün əlverişli şərait yaratdığını bildirirlər. Buna görə bəzi illərdə virusun yayılma mövsümü noyabr ayına qədər davam edə bilər.
Virusun yayılması Avropanın şimalında da qeydə alınır. Niderlandda 2026-cı ildə 20-dən çox yoluxma aşkarlanıb ki, bu da 2020-ci ildən bəri ilk belə haldır.
Ümumdünya Səhiyyə Təşkilatının Avropa ofisi qeyd edir ki, iqlim dəyişikliyi virusun yayılmasının yeganə səbəbi deyil, lakin istiləşmə ağcaqanadların aktivlik mövsümünü uzadır və virusun yaşaması üçün daha əlverişli şərait yaradır.
Digər Yazılar
Hande Erçel reklamdan 20 milyon qazanacaq
No Comment! Be the first one.